Þann 15. apríl næstkomandi verða breytingar gerðar á föstum vöxtum húsnæðislána Íslandsbanka, að því er bankinn greinir frá í fréttatilkynningu.
Í A - lánunum er lánað gegn fyrsta veðrétti eða í samfelldri veðröð frá og með fyrsta veðrétti. Lánað er allt að 70% af fasteignamati ríkisins, en lántakendum stendur til boða viðbótarlán upp í 80% af kaupverði íbúðarhúsnæðis. Viðbótarlánin, kölluð B-lán, eru til allt að 25 ára.
Vaxtalækkanirnar verða eftirfarandi:
Verðtryggð húsnæðislán
Fastir vextir í 5 ár
- A-lán voru 3,65% og verða 3,60%
Óverðtryggð húsnæðislán
Fastir vextir í 3 ár
- A-lán voru 6,95% og verða 6,80%
- B-lán voru 8,05% og verða 7,90%
Fastir vextir í 5 ár
- A-lán voru 7,40% og verða 7,10%
- B-lán voru 8,50% og verða 8,20%