Fimm styrkir úr Frumkvöðlasjóði Íslandsbanka upp á níu milljónir króna samtals voru veittir til fimm verkefna í gær. Sjóðurinn var stofnaður fyrir 5 árum en bankinn lagði til 10 milljónir króna í stofnfé sjóðsins. Einnig leggur bankinn 0,1% af vöxtum Vaxtasprota, sem er einn af sparnaðarreikningum bankans, inn á reikning Frumkvöðlasjóðsins.
Sjóðurinn styrkir frumkvöðlaverkefni sem leggja áherslu á endurnýjanlega orku, sjálfbæran sjávarútveg og verndun hafsvæða.
Alls bárust sjóðnum 27 umsóknir og voru verkefnin fjölbreytt.
- Verkefnin fimm eru eftirfarandi:
- GeoSilica Iceland – kísilríkt drykkjarvatn
- Veðurstofa Íslands – Vatnsaflskort af Íslandi
- Norðursigling ehf – RENSEA II
- Pólar og togbúnaður ehf. - stýranlegir toghlerar
- IceWind ehf. – vindtúrbínur fyrir íslenskar aðstæður