Fasteignafélagið Atlas Ejendomme, sem er í eigu Stoða, hefur leigt Danske Bank húsnæði. Landbúnaðarráðuneyti Dana hafði áður aðsetur í húsinu, en það flutti í byggingu í eigu ríkisins.
Sigríður Hrefna Hrafnkelsdóttir, framkvæmdastjóri Atlas Ejendomme, segist í samtali við Viðskiptablaðið að leiguverðið sé trúnaðarmál, en aðspurð segist hún vera mjög sátt við það.
"Fyrst og fremst erum við þá ánægð með nýja leigutakann, Danske Bank, sem er okkar viðskiptabanki og frábær leigutaki," segir hún.
Húsið er í miðbænum, beint á móti höfuðstöðvum Danske Bank í dag í Holbertsgade við Holmenskanal, og er tíu þúsund og níu hundruð fermetrar. Það fylgdi með í kaupunum þegar Stoðir keyptu Atlas Ejendomme.
Aðspurð segist Sigríður ekki getað upplýst um önnur verkefni sem eru á döfinni hjá Atlas Ejendomme, en segir alltaf eittvað vera í gangi hjá félaginu.
