Fatahönnuðurinn Eva Dögg Rúnarsdóttir og ritlistar- og kynjafræðineminn Anna Sóley opnuðu nú á dögunum verslunina Ampersand við Jægersborggade á Nörrebro í Kaupmannahöfn.
Um er að ræða svokkalaða hugtaks- og lífsstílsbúð (e. concept store) eftir því sem fram kemur í tilkynningu frá versluninni. Í versluninni er boðið upp á fata- og fylgihlutamerki þeirra Evu og Önnu til viðbótar við vörur frá Aftur, Hrafnkatli Birgissyni vöruhönnuði, Sóleyju og Alkemistanum. Þá er einnig fjöldi var frá öðrum heimshornum, til að mynda frá New York, Suður-Afríku, Mexíkó og Indlandi. Einnig hefur verið opnuð vefverslun á slóðinni www.houseofampersand.com .
Hér má sjá nokkrar myndir frá opnun verslunarinnar.
