Íslenska tölvuleikjafyrirtækið Betware hefur samþykkt að kaupa danska afþreyingarfyrirtækið Certus Games, segir í tilkynningu frá Betware. Kaupverðið var ekki gefið upp.
Certus sérhæfir sig í þróun leikja fyrir vefinn og farsíma. Félagið hefur þróað yfir 40 leiki og í kjölfar kaupanna telur leikjasafn sameinaðs fyrirtækis rúmlega 100 leiki.
Í tilkynningu Betware segir að samlegðaráhrif séu töluverð og að með kaupunum aukist fjölbreytileiki og leikjaúrval Betware.
