Íslenskt brennivín hefur nú lækkað um rúm 6% að meðaltali í verslunum ÁTVR segir í tilkynningu Ölgerðarinnar.
Ölgerðin hefur einnig lækkað verð á öðru sterku íslensku áfengi í verslunum ÁTVR.
Eldurís og Tindavodki og skotdrykkirnir Opal og Tópas hafa þannig lækkað í verði um rúm 4% að meðaltali í vínbúðunum.
Að undanförnu hefur ÁTVR tvívegis tilkynnt verðhækkanir.
Í tilkynningu frá Ölgerðinni kemur fram að þessi lækkun ætti að koma sér vel fyrir skötuveislurnar í desember, enda er skatan vandétin ef ekki fylgir brennivín.