*

sunnudagur, 16. maí 2021
Innlent 22. mars 2021 08:33

ISNIC greiddi 190 milljónir í arð

Hagnaður nam 91 milljón í fyrra, en þá voru greiddar 190 milljónir í arð. Í ár er lögð til arðgreiðsla upp á 70 milljónir.

Ritstjórn
Jens Pétur Jensen, framkvæmdastjóri og stærsti hluthafi félagsins.
Aðsend mynd

Hagnaður Internet á Íslandi hf. (ISNIC), sem sér um rekstur .is lénakerfisins, nam 91 milljón króna í fyrra og dróst saman um 13% milli ára.

Tekjur námu 352 milljónum króna og jukust um 8%. Rekstrarhagnaður (EBITDA) nam 144 milljónum króna og EBITDA-hlutfallið var því 41%.

Lögð er til 70 milljóna króna arðgreiðsla á þessu ári eftir 190 milljóna arðgreiðslu á árinu 2020. Jens Pétur Jensen er framkvæmdastjóri og stærsti hluthafi félagsins með 30% hlut. Þá á Pósturinn 19% hlut.

Stikkorð: ISNIC Jens Pétur Jensen