Grikkland hlýtur, líkt og undanfarið misseri, þann vafasama heiður að vera líklegasta ríki heims til að verða fyrir greiðslufalli samkvæmt greiningarfyrirtækinu CMA sem reiknar líkurnar út frá skuldatryggingarálagi ríkjanna.
Líkur á greiðslufalli Grikklands eru 90,6% á næstu fimm árum. Portúgal kemur þar næst á eftir. Líkur á greiðslufalli Portúgals eru 61,3%.
© Gunnhildur Lind Photography (Gunnhildur Lind Photography)
Ísland er í 19. sæti en líkurnar eru 24,6%. Hafa þær hækkað umtalsvert frá áramótum, þegar fyrirtækið mat þær 19,6%.
Noregur er líklegast allra ríkja til að standa við skuldbindingar sínar. Líkur á greiðslufalli Noregs næstu fimm árin eru einungis 4,4%. Næst á eftir koma Bandaríkin með 4,6% líkur, Svíþjóð með 5,1% líkur og Sviss með 6,2% líkur. Athygli vekur að Þýskaland er dottið út af listanum yfir þau 10 ríki sem líklegust eru til að standa við skuldbindingar sínar.
Álagið á skuldir Danmerkur, Hollands, Ítalíu, Austurríkis og Þýskalands hækkaði mest allra ríkja á þriðja ársfjórðungi.
Listinn yfir 10 ríki heims sem líklegust er að standa ekki við skuldbindingar sínar
- Grikkland - 90,6%
- Portúgal - 61,3%
- Venesúela - 58,7%
- Argentína - 53,2%
- Pakistan - 51,8%
- Ukraína - 46,9%
- Írland - 46,2%
- Ítalía - 33,3%
- Ungverjaland - 30,7%
- Dubai - 30,4%
© AFP (AFP)
