Giuseppa Conte, forsætisráðherra ríkisstjórnar Fimm stjörnu bandalagsins og Bandalagsins (sem áður var þekkt sem Norðurbandalagið) í Ítalíu hyggst fara á fund forseta landsins og segja af sér.
En áður en hann tilkynnti um það setti hann fram harða gagnrýni á Matteo Salvini innanríkisráðherra og leiðtoga hægriflokksins Bandalagsins og sagði hann veikja landið með því að þrýsta á nýjar kosningar.
Conte, sem er meðlimur Fimm stjörnu hreyfingarinnar, var valinn í embættið sem sáttafulltrúi því hvorki Salvini né leiðtogi hinnar frjálslyndu Fimmstjörnu hreyfingar, Luigi Di Maio efnahagsmálaráðherra gátu unnt hinum forsætisráðherraembættið. Urðu þeir því hvor um sig einnig varaforsætisráðherrar í þessari um ársgömlu ríkisstjórn sem nú riðar til falls.
ESB efasemdir sameinaði ríkisstjórnarflokka
Salvini sagði fyrr í mánuðinum að ríkisstjórnin ætti ekki framtíð. Stjórnin var mynduð utan hefðbundinna flokkabandalaga í landinu utan um andstöðu beggja flokka, sem að mörgu öðru leiti eru mjög ólíkir að gerð og áherslum, við aukið vald Evrópusambandsins. Þá hafa báðir flokkarnir einnig gjaldið varhug við óheftum innflutningi fólks til landsins.
Líklegt er þó að einörð afstaða Salvini og Bandalagsins gegn því sem margir álíta misnotkun á hælisleitendakerfi landsins og Evrópusambandsins með straumi fólks á bátum yfir Miðjarðahafið sé ástæða orða Salvini um framtíð ríkisstjórnarinnar.
Þannig hefur flokkur hans risið hátt í skoðanakönnunum og gæti hann orðið mun stærri í nýjum kosningum en Fimmstjörnu hreyfingin sem aftur hefur dalað mikið síðan í kosningunum 4. mars 2018 þegar þeir urðu stærsti einstaki flokkurinn í landinu.
Á sama tíma berast fréttir um að sósíalistastjórnin á Spáni hyggist senda skip til að bjarga hælisleitendum frá Afríku í báti samtakanna Open Arms sem Innanríkisráðherrann hefur ekki gefið heimild til að taka land á Ítalíu.
Útgjaldaliðir eins og borgaralaun auka fjárlagahalla
Conte segir stjórnarkreppuna hinda samningaviðræðurnar við Evrópusambandið um fjárlagahalla ríkisins, sem þannig séu svik við kjósendur sem vilji breytingar. Ríkisstjórn flokkanna samþykkti fjárlagafrumvarp með mun meiri útgjöldum en ESB sættir sig við, m.a. vegna upptöku eins konar borgaralauna sem er eitt helsta baráttumál Fimmstjörnu hreyfingarinnar.
„Salvini hefur sýnt að hann eltist við eigin hag og flokks síns,“ hefur FT eftir Conte. Búist er við að hann muni biðjast lausnar fyrir ríkisstjórn sína á fundi með Sergio Mattarella í dag sem þá þarf að skoða ef mögulegt er að mynda nýja ríkisstjórn eða þörf sé að halda nýjar kosningar sem gætu tafið viðræðurnar enn frekar.
Hefur gengi hlutabréfa í ítölsku kauphöllinni lækkað síðan þetta fréttist á sama tíma og að ávöxtunarkrafan á ítölsk 10 ára ríkisskuldabréf hefur lækkað og verð skuldabréfa hækkað við það að fjárfestar leita í skjól.
Skoðanapistlar um stöðuna á Ítalíu:
- Óðinn 17. febrúar 2019 - Ítalía og evrusvæðið
- Leiðari 5. janúar 2019 - Óveðursský á nýju ári
Frekari fréttir um stöðu mála á Ítalíu:
- 31. janúar 2019 - Ítalía er formlega í efnahagskreppu
- 11. desember 2018 - Macron mun brjóta fjárlagareglur ESB
- 6. september 2018 - Starbucks opnar loks á Ítalíu
- 9. júní 2018 - Óróinn á Ítalíu er ekki búinn
- 28. maí 2018 - Stjórnarmyndun hætt á Ítalíu vegna evru
- 14. maí 2018 - Flatur skattur og borgaralaun á Ítalíu
- 5. mars 2018 - Refsuðu hefðbundnu flokkunum
- 15. febrúar 2018 - Undirmálslánin nema 119.000 milljörðum
- 10. febrúar 2018 - Þrefalda skortstöðu á Ítalíu
- 9. nóvember 2017 - Berlusconi snýr aftur
- 26. júní 2017 - Ítalskir bankar hækka í verði
- 25. júní 2017 - 19 milljarða evra björgunaraðgerð
- 13. desember 2016 - Niðurskurður hjá stærsta banka Ítalíu
- 5. desember 2016 - Þjóðaratkvæði skekur evruna
- 4. desember 2016 - Augu Evrópu hvíla á Austurríki og Ítalíu
- 20. júlí 2016 - Reyna að bjarga elsta banka heims
- 8. júlí 2016 - Hækkanir á mörkuðum í Evrópu
- 17. nóvember 2015 - Evrópusambandið aðvarar þrjú ríki innan sambandsins
- 6. ágúst 2014 - Ítalía komin aftur í kreppu
- 1. ágúst 2014 - Atvinnuleysi ungs fólks eykst á Ítalíu
- 26. júní 2014 - Fátækt eykst ört á Ítalíu
- 4. mars 2013 - Ítalía getur ekki að óbreyttu haldið evrunni
- 19. janúar 2012 - Sex evruríki gæti fengið skell frá Fitch
- 10. janúar 2012 - Ítalía mesta ógnin við stöðuleika á evrusvæðinu
- 21. desember 2011 - Ítalía: landsframleiðslan fellur
- 14. nóvember 2011 - Ítalía klárar skuldabréfaútboð en ávöxtunarkrafan er há
- 6. nóvember 2011 - Hættan á heimskreppu hefur aukist
- 12. október 2011 - Ítalía 8. líklegasta ríki heims til að verða gjaldþrota
- 20. september 2011 - Ítalía í vanda
- 4. ágúst 2011 - Ítalía og Spánn fram úr Íslandi - Belgar nálgast hratt
- 11. júlí 2011 - Óttast er að Ítalía lendi í svipuðum vandræðum og Grikkland
- 10. janúar 2011 - Ísland betri skuldari en Ítalía og Spánn