Stjórnarkrísan á Ítalíu er strax farin að hafa mikil áhrif á evrópskan hlutabréfamarkað.
Fjárfestar telja þetta óvissuástand geri hlutabréfamarkaðinn áhættusamari. Markaðurinn hefur því brugðist við þessu ástandi og til marks um það lækkaði gengi hlutabréfa á stærsta hlutabréfamarkaði Ítalíu um 2,7% eftir fréttir gærdagsins. Lækkunin var þó ekki einungis bundin við Ítalíu heldur höfðu þessar fréttir einnig áhrif á gengi breskra, þýskra og franskra hlutabréfa.
Helstu ástæður sem hafa verið nefndar fyrir þessum lækkunum eru vegna möguleikans á því að aftur verði gengið til kosninga á Ítalíu í september nk. Sökum þess óttast margir einnig að flokkar sem eru óhliðhollir ESB muni styrkja stöðu sína í kosningunum.
Aukin eftirspurn eftir ríkisskuldabréfum á Ítalíu hefur einnig þótt gefa það til kynna að fjárfestar séu órólegir yfir gangi mála.