Matthew Hancock, orkumálaráðherra Bretlands, hefur sent Ragnheiði Elínu Árnadóttur, iðnaðar- og viðskiptaráðherra, bréf vegna sæstrengs. Í bréfinu ítrekar hann áhuga Bretlands á samstarfi við Ísland um sæstrenginn og býður fram alla þá aðstoð sem Bretar geti boðið til að hjálpa Íslendingum að komast að niðurstöðu í málinu. Þetta segir Ragnheiður Elín í samtali við Viðskiptablaðið.

„Ég fékk bréf frá ráðherranum í síðustu viku sem við erum að leggja lokahönd á svar við,“ segir Ragnheiður Elín. „Hann lýsir áhuga þeirra og býður fram aðstoð. Í svari mínu fer ég yfir málið og hvar það stendur,“ bætir hún við.

Aðspurð hvort bréfið sé til marks um aukinn þrýsting af hálfu Breta segir Ragnheiður Elín: „Þeir hafa sannanlega áhuga, ég finn það. En þeir hafa líka skilning á því að við þurfum að vinna okkar heimavinnu og bjóða fram aðstoð ef við þurfum á henni að halda.“

Nánar er fjallað um málið í Viðskiptablaðinu sem kemur út á morgun. Meðal annars efnis í blaðinu er:

  • Stærsta hvalasýning Evrópu verður opnuð í lok mánaðarins
  • Stofnun Íbúðalánasjóðs bjó til markaðsbrest að mati Viðskiptaráðs
  • Íbúðalánasjóður og Íslandsbanki hafa verið sýknaðir í verðtryggingarmálum
  • Samkeppniseftirlitið og Íslandspóstur eru í viðræðum um sáttameðferð
  • Samgöngumiðað skipulag er raunhæfur kostur í skipulagsmálum höfuðborgarsvæðisins að mati sérfræðings
  • Heildarvelta KSÍ fór í fyrsta skipti yfir einn milljarð á síðasta ári
  • Tryggvi Gunnarsson umboðsmaður Alþingis er í ítarlegu viðtali
  • Óðinn fjallar um áhættumat og Týr um skuldamál Steingríms Hermannssonar
  • Þá eru í blaðinu pistlar, myndir og margt margt fleira.