Framleiðsla í Japan minnkaði um 2% í júní. Sá samdráttur er meiri en spáð hafði verið.
Alþjóðagjaldeyrissjóðurinn hefur áður spáð því að japanska þjóðarskútan sigli inn í samdrátt.
Alþjóðagjaldeyrissjóðurinn telur þó að Japanir geri rétt með því að halda stýrivöxtum óbreyttum og sjá hverju fram vindur.
Yfirvöld í Japan spá því að framleiðsla þar í landi muni dragast saman um 0,2% í júlí og um 0,6% til viðbótar í ágúst.
Helsti höfuðverkur japansks iðnaðar er hækkandi hrávöruverð og samdráttur í mörgum helstu viðskiptalöndum Japans.
