Japanska jenið styrktist gegn helstu gjaldmiðlum á mörkuðum í nótt, og náði því hæsta gildi sínu gagnvart Bandaríkjadal í heilan mánuð. Viðskipti voru þó ekki mikil og styrkingin var að sumu leiti ýkt með söluskuldbindingum.
Dalurinn ekki veikari í mánuð
Dalurinn veiktist og fór alveg niður í að vera jafnvirði 100,35 jena, sem er það veikasta sem hann hefur verið síðan 11. júlí, en nú stendur hann í 100,32 jenum, sem er lækkun um 0,93%.
Evran veiktist einnig gagnvart jeninu, og fór lægst niður í að vera andvirði 112,38 jena, áður en hún styrktist aðeins á ný og stendur nú í 112,97 jenum.
Hvort tveggja ástralski sem og nýsjálenski dalurinn veiktust einnig gagnvart jeninu.
Helstu vísitölur á asíumörkuðum:
- Nikkei vísitalan í Japan lækkaði um 1,62%
- Kospi vísitalan í Suður Kóreu lækkaði um 0,13%
- Taiwan Weighted vísitalan lækkaði um 0,42%
- Hang Seng vísitalan í Hong Kong styrktist hins vegar um 0,06%
- Dow Jones Shanghai vísitalan lækkaði um 0,44%
- FTSE China A50 vísitalan lækkaði um 1,35%
- S&P/ASX 200 vísitalan lækkaði um 0,14%
- Dow Jones New Zealand vísitalan lækkaði um 1,05%