Stjórn AFL sparisjóðs ses. hefur ráðið Jóel Kristjánsson í starf sparisjóðsstjóra tímabundið þar til að samrunaferli AFLs við Arion banka er lokið. Þessu greinir mbl.is frá.
Jóel er fyrrverandi útibússtjóri Arion banka á Sauðárkróki og hefur nýlega látið af störfum þar. Jóel er 59 ára gamall og er sjávarútvegsfræðingur að mennt. Hann er fæddur og uppalinn á Siglufirði og hefur víðtæka reynslu og þekkingu úr atvinnulífinu og bankastarfsemi.
