Næstu tvær vikurnar mun breska blaðið Telegraph fjalla um 1.000 áhrifamestu einstaklingana í bresku viðskiptalífi úr ólíkum geirum.
Telegraph mun skipta umfjöllun sinni niður í 10 flokka og inniheldur hver flokkur 100 manns.
Á lista yfir matar- og smáverslun er Jón Ásgeir Jóhannesson, stjórnarformaður Baugs númer 32 yfir áhrifamestu viðskiptamenn þar en enginn annar Íslendingur er á listanum.
Áhrifamesti einstaklingurinn er að mati blaðsins Terry Leahy, forstjóri Tesco en eftir honum koma Stuart Rose, forstjóri og starfandi stjórnarformaður Marks & Spencer og Philip Green eigandi BHS og Arcadia Group.
Á vef Telegraph er í dag fjallað um 20 áhrifamestu einstaklingana í smásöluverslun.
