*

miðvikudagur, 4. ágúst 2021
Innlent 6. febrúar 2006 15:23

Jón Helgi selur í Kaupþingi Banka

Ritstjórn

Norvest ehf., einkahlutafélag fjárhagslega tengt Brynju Halldórsdóttur, stjórnarmanni í Kaupþingi banka hf., seldi í dag 6.449.589 hluti í bankanum.

Brynja Halldórsdóttir er varamaður í stjórn Norvest ehf. Eigandi Norvest ehf. er Straumborg ehf. Það er eignarhaldsfélag í eigu Jóns Helga Guðmundssonar.

Gengi bréfanna í viðskiptunum var 933 krónur á hlut og því verðmætið 6 milljarðar.

Brynja á sjálf 9.206 hluti í bankanum.

Aðilar fjárhagslega tengdir Brynju eiga samtals 12.312.048 hluti í bankanum eftir viðskiptin.