Hrafn Þorgeirsson tók í dag við sem nýr forstjóri flugfélagsins Primera Air. Hann tekur við af Jóni Karli Ólafssyni, sem hefur ákveðið að leita á önnur mið. Hann varð forstjóri Primera í mars árið 2008. Áður var hann framkvæmdastjóri Flugfélags Íslands frá byrjun árs 1999 til ársins 2004. Sama ár varð hann forstjóri Icelandair og í framhaldi af því forstjóri Icelandair Group frá árinu 2005 til ársloka 2007.
Hrafn var áður í sex ár framkvæmdastjóri Primera Air Scandinavia í Danmörku ásamt því að vera framleiðslustjóri félagsins.
Í tilkynningu er haft eftir Jóni Karli að árin hans hjá Primera Air hafi verið mjög viðburðarrík og áhugaverð, þar sem tekist hafi með góðu starfsfólki að byggja upp nútímalegt og frábært flugfélag.
Jón Karl Ólafsson, sem nú hættir sem forstjóri Primera Air og ætlar að leita á önnur mið.