*

mánudagur, 11. nóvember 2019
Fólk 12. ágúst 2019 09:10

Jón Pétur hættir sem aðstoðarmaður

Jón Pétur Zimsen mun láta af störfum sem aðstoðarmaður ráðherra 15. ágúst næstkomandi.

Ritstjórn
Haraldur Guðjónsson

Jón Pétur Zimsen mun láta af störfum sem aðstoðarmaður ráðherra 15. ágúst næstkomandi. Jón hefur starfað sem tímabundinn aðstoðarmaður mennta- og menningarmálaráðherra og sinnt verkefnum á menntaskrifstofu ráðuneytisins. Frá þessu er greint í fréttatilkynningu.

Hann kom meðal annars að vinnu við undirbúning löggjafar um eitt leyfisbréf fyrir kennara sem taka mun gildi í ársbyrjun 2020, aðgerðum er miðað að fjölgun kennara, undirbúningi menntastefnu til ársins 2030 og endurskoðun aðalnámsskrár grunnskóla og mati á innleiðingu hennar.

Jón Pétur Zimsen mun hefja aftur störf í Réttarholtsskóla í Reykjavík en sinnir áfram verkefnum sem tengjast endurskoðun aðalnámsskrár og eflingu starfsumhverfis kennara.