Umbúðahönnun fyrir íslenska sjávarsaltið Norður salt hefur hlotið tilnefningu til alþjóðlegu hönnunarverðlaunanna Epica. Hönnuðir umbúðanna eru Albert Muñoz, Sigurður Oddsson og Þorleifur Gunnar Gíslason hjá Jónsson & Le’macks, í samstarfi við Jón Helga Hólmgeirsson vöruhönnuð og teiknarann Mark Summers. Þetta kemur fram í tilkynningu frá Jónsson & Le´macks.
Þetta er í þriðja sinn sem umbúðirnar eru tilnefndar en í sumar var Norður Salt tilnefnt til Cannes Lions hönnunarverðlaunanna og hefur einnig hlotið Red Dot verðlaun fyrr á þessu ári.
Epica verðlaunin hafa verið veitt í þrjá áratugi og eru einu alþjóðlegu hönnunarverðlaunin sem eru veitt af fjölmiðlum. Rúmlega fjörtíu tímarit, blöð og veffjölmiðlar um allan heima eiga sæti í dómnefnd.
