Tónlistarmaðurinn Friðrik Dór hefur undanfarið haft í nógu að snúast því hundalagið góða, „Glaðasti hundur í heimi“, hefur verið að fá mikla athygli og svo hefur kappinn aðeins verið að reyna fyrir sér í sjónvarpi með fínum árangri.
Í bílablaðinu Bílar sem fylgdi með Viðskiptablaðinu í vikunni var tónlistarmaðurinn spurður nokkurra spurninga um bíla.
Hver er uppáhaldsbíllinn sem þú hefur ekið?
„Það er klárlega Toyota Yaris inn sem ég er á núna. Það er frábært að keyra hann, hann eyðir mjög litlu og svo er hann „hlaðinn aukabúnaði“. Við erum að tala um bakkmynda vél, bluetooth fyrir síma og músík og svo má ekki gleyma álfelgunum og vindskeiðinni. Frábær bíll,“ svarar Friðrik.
Hvað hlustarðu helst á í bílnum?
„Eftir að ég fékk Yarisinn hlusta ég helst á tónlistina sem ég er með á símanum. Kærastan kemur þar sterk inn sem „codriver“ og DJ.“
Nánar má lesa um málið í blaðinu Bílar sem fylgdi Viðskiptablaðinu í vikunni. Áskrifendur geta nálgast blaðið hér að ofan undir liðnum tölublöð .
