*

laugardagur, 24. ágúst 2019
Innlent 18. nóvember 2016 17:58

Katrín fundar með flokkunum fjórum

Katrín Jakobsdóttir, formaður Vinstri grænna, hefur boðað fulltrúa Viðreisnar, Bjartrar framtíðar, Samfylkingarinnar og Pírata á sinn fund á morgun.

Ritstjórn
Haraldur Guðjónsson

Katrín Jakobsdóttir, formaður Vinstri grænna, sem hefur nú í höndum sér stjórnarmyndunarumboð, fundar á morgun með fulltrúum fjögurra stjórnmálaflokka; Pírata, Viðreisnar, Bjartrar framtíðar og Samfylkingar. Þetta kemur fram í tilkynningu.

Fundurinn fer fram í fundarherbergi fjárlaganefndar Alþingis og byrjar klukkan 13. Gert er ráð fyrir að fundurinn standi yfir í rúmar tvær klukkustundir. Eftir það hefst þingflokksfundur Vinstri grænna.

Haft er eftir Katrínu í frétt Mbl.is að fundurinn verði nokkurs konar könnunarfundur um hvort að hægt sé að fara í formlegt stjórnarmyndunarsamstarf. Hún hyggst fara yfir hvort að það sé grundvöllur fyrir málefnasamstarfi flokkanna fjögurra.