Kaupþing hefur, í samræmi við samþykkt aðalfundar 16. mars 2007, veitt Sigurði Einarssyni, stjórnarformanni bankans og Hreiðari Má Sigurðssyni, forstjóra, kauprétt að samtals 2.436.000 hlutum í bankanum hvorum um sig, segir í tilkynningu til Kauphallar Íslands.
Samningurinn miðast við gengið 1.007 krónur á hlut, sem var lokagengi í Kauphöll Íslands þann 16. mars 2007. Geta þeir nýtt þriðjung kaupréttarins í mars ár hvert, á árunum 2009, 2010 og 2011.
Sigurður Einarsson á 7.368.423 hluti í bankanum. Sigurður Einarsson á nú kauprétt að 4.060.000 hlutum í bankanum. Aðilar fjárhagslega tengdir Sigurði Einarssyni eiga 14.111 hluti í bankanum.
Hreiðar Már Sigurðsson á nú kauprétt að 4.060.000 hlutum í bankanum. Aðilar fjárhagslega tengdir Hreiðari Má Sigurðssyni eiga 6.572.039 hluti í bankanum. Réttindi aðila fjárhagslega tengdum Hreiðari Má Sigurðssyni samkvæmt framvirkum samningi nema 205.078 hlutum.
