Einir ehf., einkahlutafélag í eigu Einars Arnar Ólafssonar, stjórnarformanns Play, keypti eina milljón bréfa í félaginu í dag. Þetta kemur fram í tilkynningu til kauphallarinnar.
Kaupin fóru fram á genginu 25,1 krónur á hvern hlut og heildarumfang viðskiptanna því 25,1 milljón króna. Ekki kemur fram í tilkynningunni hve marga hluti Einir á eftir viðskiptin.
Gengi bréfa félagsins lækkaði um 2,30% í viðskiptum dagsins á First North markaðnum og stóð verð hlutarins í 25,5 krónum í dagslok.
