Stækka má töfluna með því að smella á hana.
Launavísitala í júní 2011 er 405,0 stig og hækkaði um 3,9% frá fyrri mánuði. Síðastliðna tólf mánuði hefur launavísitalan hækkað um 7,1% af því er fram kemur á vef Hagstofu Íslands.
Vísitala kaupmáttar launa í júní 2011 er 109,5 stig og hækkaði um 3,4% frá fyrri mánuði. Síðustu tólf mánuði hefur vísitala kaupmáttar launa hækkað um 2,7%.
Í launavísitölu júnímánaðar gætir áhrifa hækkana sem kveðið var á um í nýgerðum kjarasamningum á íslenskum vinnumarkaði.
Kjarasamningar
Í kjarasamningum milli aðildarfélaga Alþýðusambands Íslands og Samtaka atvinnulífsins sem undirritaðir voru 5. maí 2011 er kveðið á um almenna hækkun launataxta um 4,25% þann 1. júní. Auk þess er kveðið á um sérstakt 10.000 króna álag á orlofsuppbót til útborgunar í júní 2011.
Í kjarasamningum fjármálaráðherra, fyrir hönd ríkissjóðs, við stærstu stéttarfélög opinberra starfsmanna sem undirritaðir voru í lok maí og byrjun júní er kveðið á um almenna hækkun launataxta um 4,25% þann 1. júní. Auk þess er kveðið á um sérstakt 10.000 króna álag á orlofsuppbót og sérstaka 50.000 króna eingreiðslu til útborgunar í júní 2011.
Í kjarasamningum Sambands íslenskra sveitarfélaga við stærstu stéttarfélög opinberra starfsmanna sem undirritaðir voru í lok maí og byrjun júní er kveðið á um almenna hækkun launataxta um 4,25% þann 1. júní. Auk þess er kveðið á um sérstaka 50.000 kóna eingreiðslu til útborgunar í júní 2011.
