BMW kynnti á dögunum BMW Pininfarina Gran Lusso Coupé. Bíllinn er ákaflega fallegur og margir hafa velt fyrir sér hvort hér sé á ferðinni 8 frá Munchen.
Bíllinn er hannaður í sameiningu af hönnuðum BMW og ítalska hönnunarfyrirtækisins Pininfarina.
Bíllinn er búinn sömu vél og BMW 760 sem er 6 lítra V12 sem skilar 536 hestöflum. Líklegt er þó að henni verði breytt og hún skili mun meira afli, ef bílinn fer í framleiðslu.
Bíllinn er gríðarlega vel búinn. Hljómkerfið og hátalarar eru frá Bang & Olufsen og viðurinn í mælaborðinu er 48 þúsund ára svo eitthvað sé nefnt.
BMW framleiddi áttu frá 1989 til 1999. Misjafnar skoðanir eru á útliti þess bíls, sérstaklega vegna aðalljósanna sem komu upp úr framendanum.
Bíllinn er glæsilegur. Ef væri ekki fyrir grillið, þá myndi maður halda að hér væri Aston Martin á ferðinni.
BMW hefur ekki upplýst um hvort bíllinn verður framleiddur.
Gamla áttan.