*

þriðjudagur, 27. júlí 2021
Innlent 10. febrúar 2006 16:38

Kevin Stanford selur í Mosaic

Ritstjórn

Kevin Gerald Stanford hefur samkvæmt tilkynningu til Kauphallarinnar selt hlut sinn í Mosaic Fashion en hann átti sem svaraði 8,20% af heildarhlutafé. Fjöldi hluta í viðskiptum í viðskiptunum var 237.728.441 og miðað við lokaverð í Kauphöllinni er markaðsvirðið 4,2 milljarðar króna.

Breski viðskiptajöfurinn Kevin Stanford stofnaði Karen Millen tískuverslanakeðjuna ásamt fyrrverandi eiginkonu sinni Karen Millen en seldi hlut sinn til Baugs Group og fékk síðar bréf í Mosaic. Hann á nú stóran hlut í Marks & Spencer-verslanakeðjunni og félaginu Arev Management, sem hann á í félagi við Jón Scheving Thorsteinsson. Saman keyptu þeir ráðandi hlut í tískufatamerkinu Ghost.