Kínversk stjórnvöld hvetja leiðtoga Evrópu að standa við stóru orðin um að þeir geti ráðið við skuldavanda evruríkjanna. Þetta kemur fram á vef Reuters.
Kínverjar, sem hafa fjárfest háum upphæðum í skuldabréfum evruríkjanna, vilja sjá frekari aðgerðir af hálfu Evrópuríkjanna svo skuldakrísan versni ekki.
Í kjölfar þess að ESB og AGS veittu Írlandi neyðaraðstoð hækkaði skuldatryggingarálag á skuldugustu evruríkin mikið. Þá hóf evrópski seðlabankinn uppkaup á skuldabréfum sem olli snarpri lækkun á skuldatryggingarálaginu.
Undanfarna viku hefur skuldatryggingarálagið þokast upp hjá vandræðaríkjunum innan ESB. Álagið á Grikkland er nú 974 eftir að hafa farið undir 900 fyrir nokkrum vikum. Álagið á Spán er komið í 375 en var undir 200 fyrir mánuði síðan. Álagið á Ítalíu er 208. Augu markaðsaðila hafa sérstaklega beinst að Spáni og Ítalíu undanfarið vegna áhyggja af því að sama staða komi þar upp líkt og í Grikklandi og Írlandi.
Skuldatryggingarálagið á Ísland í gær var 265.
