Stjórnvöld í Kína hyggjast herða takmarkanir gagnvart stafræna gjaldmiðlinum Bitcoin, að því er kemur fram í frétt Wall Street Journal . Stefnt er að því að banna kaup og sölu á gjaldmiðlinum innan landamæra Kína og að líkindum loka á aðgang að erlendum markaðstorgum með gjaldmiðilinn fyrir aðila innan Kína.
Áður hafði verið gefið til kynna að Kínverjar hygðust loka á öll markaðstorg innan Kína þar sem viðskipti með Bitcoin ættu sér stað. Í frétt Wall Street Journal kemur fram að um verði að ræða hörðustu takmarkanir á viðskiptum með Bitcoin sem nokkurt ríki hafi innleitt hingað til.
