Þann 8. júlí sl. var undirritaður kjarasamningur milli Starfsgreinasambands Íslands og Landssambands smábátaeigenda, fyrir starfsfólk í ákvæðisvinnu við beitningu.
Þetta er í fyrsta sinn sem samið er fyrir þennan hóp launafólks. Með samningnum eru tryggð sambærileg réttindi og í kjarasamningi Starfsgreinasambandsins við Samtök atvinnulífsins.
Samningurinn hefur verið samþykktur af báðum aðilum.
Þetta kemur fram á vef Starfsgreinasambands Íslands.
