Kjartan Hreinn Njálsson, fráfarandi ritstjóri á Fréttablaðinu, hefur verið ráðinn aðstoðarmaður Landlæknis. Vísir segir frá þessu nú í morgun.

Kjartan sagði starfi sínu lausu fyrr í mánuðinum, en hafði þá ekki ákveðið hvað tæki við. Hann hafi einfaldlega viljað róa á ný mið. Alma Möller, Landlæknir, var skipuð í embættið þann 2. mars á síðasta ári.

Kjartan hóf störf í fjölmiðlun fyrir um 7 árum síðan, en auk þess að vera einn ritstjóra Fréttablaðsins hefur hann gegnt starfi fréttamanns í sjónvarpsfréttum Stöðvar 2, og þar á undan vann hann hjá Vísi.