Kjartan Briem, framkvæmdastjóri tæknisviðs Vodafone, hefur ákveðið að láta af störfum frá og með nk. áramótum. Að þeim tíma loknum mun Kjartan hverfa til annarra verkefna. Þetta kemur fram í stuttri tilkynningu frá Sýn, móðurfélagi Vodafone þar sem Kjartan sat í framkvæmdastjórn, til Kauphallarinnar.
Kjartan hefur gegnt fyrrnefndu starfi hjá Vodafone í rúman áratug, eða frá árinu 2009. Áður en hann gekk til liðs við Vodafone gegndi hann framkvæmdastjórastöðu hjá Íslandssíma.
