*

laugardagur, 4. desember 2021
Erlent 15. október 2021 08:02

Kóðunarsíða fer af stað með látum

Frumraun GitLab á markaði vestanhafs fór vel af stað. Bréfin höfðu hækkað 22% yfir útboðsgengi í fyrstu viðskiptum.

Ritstjórn
Aðsend mynd

Hlutabréf kóðunarsíðunnar GitLab Inc voru tekin til viðskipta á hlutabréfamarkaði vestanhafs í gær. Óhætt er að segja að frumraunin hafi farið vel af stað því skömmu eftir opnun markaða hafði gengi bréfa félagsins hækkað 22% yfir útboðsgengi. Reuters greinir frá.

Útboðsgengi GitLab var 77 dalir á hlut en eftir fyrrnefnda hækkun var gengi bréfa félagsins komið upp í ríflega 94 dali á hlut. Í kjölfar þessa hækkaði markaðsvirði félagsins upp í 13,5 milljarða dala.

Stikkorð: hlutabréf GitLab