*

föstudagur, 21. janúar 2022
Fólk 3. desember 2021 16:25

Konráð til Stefnis

Konráð. S. Guðjónsson hefur verið ráðinn aðalhagfræðingur Stefnis og mun hefja störf þar snemma á næsta ári.

Ritstjórn
Konráð S. Guðjónsson, verðandi aðalhagfræðingur Stefnis
Eyþór Árnason

Konráð S. Guðjónsson, aðstoðarframkvæmdastjóri og hagfræðingur Viðskiptaráðs, hefur verið ráðinn til sjóðastýringarfyrirtækisins Stefnis, dótturfélags Arion banka, og mun hefja störf snemma á næsta ári. Hann staðfestir þetta við Innherja. Konráð verður aðalhagfræðingur Stefnis en um er að ræða nýja stöðu hjá fyrirtækinu.

Konráð tilkynnti fyrir rúmum mánuði síðan að hann hefði ákveðið að láta af störfum hjá Viðskiptaráði snemma á næsta ári. Hann hóf störf sem hagfræðingur hjá Viðskiptaráði í ársbyrjun 2018 og tók svo við stöðu aðstoðarframkvæmdastjóra sumarið 2020. Þar áður starfaði hann hjá sem hagfræðingur í greiningardeild Arion í þrjú ár.

Konráð tísti um fréttirnar að hann væri á leið til Stefnis og gerði gys að starfsheitinu aðalhagfræðingur en kveðst þó spenntur fyrir nýja starfinu.