Vilhjálmur Bretaprins og Katrín hertogaynja af Cambridge kona hans sýndu nýfædda dóttur sína fyrir utan St Mary's spítalann í London um klukkan fimm á íslenskum tíma í dag,. Þau hafa nú yfirgefið spítalann eftir einungis 12 tíma stopp þar og eru farin heim í Kensington höllina.
Eins og VB.is greindi frá, fæddist prinsessan í morgun og er hún sú fjórða í röð erfingja bresku krúnunnar.
Prinsessan svaf í örmum móður sinnar þegar hún var sýnd heimsbyggðinni í fyrsta sinn.
Enn er ekki búið að tilkynna um nafn á prinsessuna. En hér fyrir neðan má sjá nærmynd af prinsessunni á leiðinni heim.
© european pressphoto agency (european pressphoto agency)
