Ein breyting verður gerð á stjórn Icelandair Group á aðalfundi sem fer fram á þriðjudaginn. Elín Jónsdóttir kemur ný inn í stjórnina í stað Herdísar Drafnar Fjeldsted. Elín Jónsdóttir tekur sæti hennar.
Herdís er starfsmaður Framtakssjóðs Íslands og sat fyrir hönd sjóðsins í stjórn Icelandair. Í byrjun febrúar seldi Icelandair hins vegar allan hlut sinn í fyrirtækinu eða um 7%.
Ásthildur Margrét Otharsdóttir, Katrín Olga Jóhannesdóttir, Sigurður Helgason og Úlfar Steindórsson verða endurkjörin í stjórnina og Magnús Magnússon verður endurkjörinn í varastjórn. Sjálfkjörið verður í stjórnina og er ljóst að meirihluti stjórnar Icelandair verður áfram skipaður konum.
