Konur innan BSRB eru að meðaltali með 27% lægri laun en karlar, ef miðað er við þá sem eru í fullri vinnu. Meðallaun kvenna innan BSRB eru 346.724 krónur á mánuði á meðan meðal mánaðarlaun karla eru 474.945.

Kynbundinn launamunur á heildarlaunum fólks í fullu starfi innan BSRB, þegar leiðrétt hefur verið fyrir aðra þætti en kyn, mælist nú 11,4% samanborið við 12,5% á síðasta ári. Nokkuð breytilegt er hversu mikill kynbundni launamunurinn mælist eftir því hvort fólk starfar hjá ríki eða sveitarfélagi. Þannig mælist kynbundinn launamunur hjá sveitarfélögum nú 13,3% en 10,9% hjá ríkinu.

Capacent framkvæmdi könnunina fyrir BSRB fyrr á þessu ári en alls bárust 8639 svör sem gerir svarhlutfall upp á 53,4%.