Útlit er fyrir að kórónaveiran muni hafa talsverð áhrif á sölu Össurar í Kína á fyrsta ársfjórðungi 2020, að sögn Jóns Sigurðssonar, forstjóra fyrirtækisins. Þetta kemur fram í frétt Morgunblaðsins .
„Fjárfestar eru rólegir yfir þessu af því að þetta er tímabundið. Fyrsti ársfjórðungur hjá okkur mun eitthvað versna út af þessu," segir Jón í samtali við Morgunblaðið. Hann bætir við að Össur hafi framlengt ferðabann til Kína út mars.
Ljóst er að veiran mun koma til með að hafa þó nokkur áhrif á hin ýmsu alþjóðlegu fyrirtæki. Til að mynda var í gær greint frá því að veiran verði til þess að tekjur Apple á fyrsta ársfjórðungi yrðu lægri ein reiknað var með, enda hefur hægst á framleiðslu og eftirspurn eftir Apple vörum dregist saman í Asíu sökum þessa.