Formannafundur aðildarfélaga að Alþýðusambandi Íslands verður haldinn á Hilton hótelinu í Reykjavík í hádeginu á miðvikudag. Þar munu fulltrúar 48 félaga sambandsins kjósa um hvort segja eigi upp kjarasamningum, að gefnu samþykki samninganefndar.
Eins og Viðskiptablaðið hefur greint frá þarf bæði meirihluta þeirra fundarmanna sem fara með atkvæði á fundinum og meirihluta þess atkvæðavægis sem að baki þeim standa til að taka ákvörðun á fundinum.
Gylfi Arnbjörnsson forseti ASÍ lagði til að boðað yrði til formannafundarins í samræmi við 40. grein laga sambandsins á fundi samninganefndar sambandsins 21. febrúar síðastliðinn.
„Í því felst markverð breyting á fyrrgreindu umboði samninganefndar ASÍ og óskaði forseti eftir því að fulltrúar í samninganefnd ASÍ leituðu heimilda hjá sínum samninganefndum að viðhafa þennan háttinn á í þetta sinn,“ segir á vef Alþýðusambandsins.
„Verði það samþykkt, en til þess þarf samþykki allra fulltrúa í samninganefndinni, verður á formannafundinum viðhöfð leynileg rafræn atkvæðagreiðsla um uppsögn kjarasamninga á grundvelli 2. mgr. 39.gr. laga ASÍ.“
Fleiri fréttir tengdar stöðu mála í ASÍ:
- 16. febrúar 2018 - Tvær vikur í mögulega uppsögn samninga
- 19. janúar 2018 - Framboðið til höfuðs Gylfa í ASÍ
- 20. desember 2017 - Alltaf sama orðalagið
- 10. desember 2017 - Bjóða verðlausa gjaldmiðla
- 9. desember 2017 - Lesa í það sem ekki stendur
- 29. október 2017 - Kjararáðsmálið til vandræða
- 28. október 2017 - Verðmætin verða ekki til hjá ríkinu
- 7. september 2017 - Gylfi: Ríkið ræðst að tekjulágum
- 16. mars 2017 - Gylfi: Mikil ábyrgð
- 1. maí 2016 - Gylfi: Pólitísk kreppa í landinu
- 26. apríl 2015 - Leiðréttingin var óréttlát aðgerð
- 25. apríl 2015 - Vill auðlegðarskatt og hærra veiðigjald
- 24. október 2014 - Gylfi endurkjörinn forseti ASÍ