Engar eignir voru til upp í kröfur þrotabús fyrirtækisins Thor Energy Zolutions. Fyrirtækið framleiddi vetnisbúnað fyrir bensín og dísilvélar. Búnaður var sagður kraftaverki líkastur enda átti hann að auka afl véla og minnka eldsneytiseyðslu um 30% að meðaltali auk þess að draga úr mengun um allt að 80%. Búnaðurinn átti að vera rafgreiningartæki sem skildi að vetnis og súrefnisfrumeindirnar í venjulegu vatni.
Fram kemur í ársreikningi fyrir árið 2012 að Thor Energy Zolutions tapaði 785.724 króna árið 2012. Eignir námu 2,9 milljónum króna. Þar af var virðisaukaskattsinneign upp á 2,4 milljónir í lok árs 2012. Skuldir fyrirtækisins námu 29,8 milljónum króna og voru þær nær allar viðskiptaskuldir. Eigið fé var því neikvætt um 27 milljónir króna.
Eins og fram kom í umfjöllun Viðskiptablaðsins um búnaðinn fyrir síðustu jól var komu fram fréttir um að ef til vill væri ekki innistæða fyrir þessum loforðum forsvarsmanna Thor Energy Zolutions. Félag íslenskra bifreiðaeigenda dró t.d. mjög í efa eiginleika búnaðarins og sparnaðurinn sagður óhugandi.
Svo fór að félagið Thor Energy Zolutions var úrskurðað gjaldþrota í nóvember í fyrra.
Fram kemur í Lögbirtingablaðinu í dag skiptum þrotabúsins lauk 27. febrúar síðastliðinn. Lýstar kröfur námu 426.814 krónur og voru engar eignir til upp í kröfur, auk áfallinna vaxta og kostnaðar eftir úrskurðardag gjaldþrotaskipta.
