Þegar kemur að því að greiða út almennar kröfur í þrotabú Kaupþings er líklegt að farin verði sú leið að stofna eignarhaldsfélag utan um eignirnar og að það félag gefi út skuldabréf til kröfuhafa í réttum hlutföllum við kröfur þeirra.
Fyrst verði reiðufé í þrotabúinu greitt út, en svo kemur til skuldabréfaútgáfunnar. Heimildarmaður Viðskiptablaðsins innan raða erlendra kröfuhafa staðfestir þetta, en segir að endanleg útfærsla sé ekki komin enn. Hún verði að vera kröfuhöfum þóknanleg.
Heimildir Viðskiptablaðsins herma að bréfið yrði til fimm eða sex ára og tryggt með greiðslum af erlendum lánum í eigu þrota búsins. Þegar skuldabréfið verður endanlega greitt upp munu kröfuhafar eiga hlutabréf í eignarhaldsfélaginu í réttu hlutfalli við fjárhæð krafna.
Nánar um málið í Viðskiptablaðinu. Áskrifendur geta nálgast blaðið undir Tölublöð.
