Kröfuhafar Allrahanda GL, sem rekur ferðaþjónustu undir merkjum Gray Line hér á landi, samþykktu frumvarp að nauðasamningi á fundi þann 28. júlí síðastliðinn. Nauðasamningurinn felur í sér að lánadrottnar sem fara með samningskröfur er boðin greiðsla á 30% krafna sinna. Ekki er gert ráð fyrir greiðslu vaxta af samningskröfum.

Samningurinn hlaut samþykki 86,6% atkvæðismanna á fundinum og 89,2% kröfufjárhæða, samkvæmt auglýsingu í Lögbirtingablaðinu. Nauðasamningurinn verður tekinn fyrir af Héraðsdómi Reykjavíkur á föstudaginn, 19. ágúst.

Um er að ræða annað frumvarp Allrahanda að nauðasamningi en félagið, sem var rekið með tapi árin 2016-2020, fékk heimild til fjárhagslegrar endurskipulagningar í júní 2020. Samkvæmt fyrra frumvarpinu átti ekki að fara fram á eftirgjöf skulda heldur lengja í lánum félagsins, engir gjalddagar yrðu í þrjú ár og dráttarvöxtum breytt í samningsvexti.

Fyrri nauðasamningnum var hafnað af Héraðsdómi Reykjavíkur í nóvember síðastliðnum. Landsréttur staðfesti dóminn í byrjun þessa árs og Hæstiréttur hafnaði að veita félaginu kæruleyfi í byrjun mars.

Um miðjan júní síðastliðinn var Allrahanda GL aftur veitt heimild til að leita nauðsamnings með úrskurði Héraðsdóms Reykjavíkur.

Seldu höfuðstöðvarnar og sækja nýtt fé