Gjaldþrotaskiptum á Ásafélaginu ehf. er lokið en kröfur hljóðuðu upp á 1,5 milljarð króna í búið.
Skiptum lauk með greiðslu upp á 3,4% upp í almennar kröfur og um 65% endurheimtist upp í veðkröfur.
Íslandsbanki fór fram á gjaldþrotaskiptin en upphaflegur lánveitandi var Byr, sem rann inn síðar inn í bankann. Félagið var úrskurðað gjaldþrota 19. október 2012 en skiptum lauk 30. október síðastliðinn.
Félagið átti fasteignirnar að Miðhrauni 4 og Köllunarklettsveg 8. Lán Byrs voru í svissneskum frönkum og japönskum jenum og hækkuðu mikið í fjárkreppunni 2008 og 2009.
