Benedikt Gíslason, aðstoðarmaður fjámálaráðherra sagði á fundi Sjálfstæðisflokksins um afnám fjármagnshafta í Valhöll í liðinni viku að samkvæmt núgildandi lögum hafa kröfuhafar ekki réttmætar væntingar til annars en gjaldþrots ef ekki takast nauðasamningar. „Í dag getur gjaldþrotið orðið til vegna þess að slitastjórnin telur að nauðasamningar muni ekki takast eða að fleiri kröfuhafar óski eftir því fyrir héraðsdómi og hafa til þess lögvarða hagsmuni að mati dómsins,“ sagði Benedikt.

Hvað varðar lagalega stöðu málsins þá fullyrðir Benedikt að kröfur á slitabúin séu krónukröfur. „Hvor leiðin sem er valin, þá er lagalega staðan sú að kröfur á slitabúin eru krónukröfur. Þetta er staðfest í dómi hæstaréttar frá því í september 2013. Lögfræðingar deila hins vegar um hvort útgreiðslur fari fram í krónum eða erlendum gjaldeyri,“ sagði Benedikt.

Nánar er fjallað um málið í Viðskiptablaðinu. Áskrifendur geta nálgast tölublaðið hér að ofan undir liðnum Tölublöð .