Krónan og Elko munu opna nýjar verslanir í Skeifunni 19 um mitt ár 2022. Um er að ræða gamla Mylluhúsið sem er í gagngerri enduruppbyggingu. Verslunarrýmið verður alls rúmir 4.000 fm. Þetta kemur fram í tilkynningu
Krónan og Elko reka nú þegar verslanir í Skeifunni, Elko í Skeifunni 7 og Krónan í Skeifunni 11. Nýja húsnæðið mun bjóða upp á talsvert stærri verslanir með auknu vöruúrvali og góðu aðgengi.
„Skeifan er eitt öflugasta verslunarsvæði landsins og flutningur í enn stærra húsnæði gerir okkur kleyft að auka verulega við vöruúrvalið og þjónustu okkar á svæðinu. Við erum virkilega spennt að opna í þessu skemmtilega húsnæði sem verður ein stærsta verslun okkar á Höfuðborgarsvæðinu. Við munum eins og ávallt leggja okkur fram um að tryggja ferskleika og fjölbreytt vöruúrval á góðu verði fyrir viðskiptavini okkar," segir Ásta S. Fjeldsted, framkvæmdarstjóri Krónunnar, í tilkynningunni.
„ELKO opnaði fyrst í Skeifunni árið 2004 en nú 17 árum seinna hlakkar okkur mikið til í að taka á móti viðskiptavinum okkar í nýju og stærra húsnæði á svæðinu. Verslunin verður ein glæsilegasta raftækjaverslun landsins en hún verður sett upp í nýju útliti líkt og sjá má í verslunum ELKO á Akureyri og í Leifsstöð. Aukinn fermetrafjöldi kemur til með að hjálpa okkur að bæta enn frekar þjónustu og vöruúrval við okkar trausta hóp viðskiptavina," segir Gestur Hjaltason, framkvæmdastjóri Elko, í tilkynningunni.