Gengisvísitalan var 157,6 stig við lokun markaða samkvæmt Markaðsvakt Mentis og hefur krónan því veikst um 0,7% frá opnun í morgun.
Á myndinni hér til hliðar má sjá þróun gengisvísitölunnar s.l. mánuð samkvæmt opinberu gengi Seðlabankans. Opinbert gengi var í morgun 158,7 stig en var í gær 155,2 stig.
Samkvæmt Markaðsvakt Mentis stendur Bandaríkjadalur nú í 77,5 krónum, Evran í 123,4 krónum og Sterlingspundið í 155,1 krónum.
Þá stendur svissneskur franki í 76,7 krónum, japanskt jen í 0,73 krónum og danska krónan í 16,5 krónum.
