Gengisvísitalan var 162,5 stig við lok markaða samkvæmt Markaðsvakt Mentis og veiktist krónan því um 0,9% frá opnun í morgun en hún hefur aftur á móti styrkst um 2,1% frá opinberu gengi Seðlabankans í gær.

Á myndinni hér til hliðar má sjá þróun gengisvísitölunnar s.l. mánuð samkvæmt gengi Seðlabankans. Opinbert gengi var í morgun 162,4 stig en var í gær 165,9 stig.

Krónan styrktist verulega í gær eða um 4% og hefur að sögn Greiningadeildar Kaupþings aðeins einu sinni áður styrkst jafn mikið á einum degi. Á mánudag og þriðjudagsmorgun veiktist krónan töluvert en eftir hádegi á þriðjudag og í gær gekk sú veiking að mestu til baka.

Samkvæmt Markaðsvakt Mentis stendur Evran nú í 126,8 krónum, Bandaríkjadalur í 80,7 krónum og Sterlingspundið í 160 krónum.

Þá stendur svissneskur franki í 78,3 krónum, japanskt jen í 0,75 krónum og danska krónan í 17 krónum.