EA Sports bauð íslenska karlalandsliðinu í knattspyrnu að vera með í nýjasta FIFA leiknum, en KSÍ hafnaði tilboði EA Sports.
FIFA 2017 leikurinn kemur út 29. september í haust en Íslandi var boðið að vera eitt af karlalandsliðunum í leiknum. Að sögn Geirs Þorsteinssonar kemur fram að EA Sports hafi boðið KSÍ of lága upphæð. Þetta kemur fram á vef Nútímans .
Kvennalandsliðið ekki með heldur
Kvennalandsliðum í leiknum var fjölgað í fjórtán, en íslenska kvennalandsliðið er ekki eitt af þeim. Karlalandsliðin eru 47 í leiknum. Hvorugt knattspyrnulandsliða Íslands verður því með í leiknum.
Hins vegar tóku EA Sports upp víkingaklappið svokallaða í leik sínum.
