Viðskiptabankinn Kvika hefur félagið undirritað samstarfssamning við alþjóðlega eignastýringarfyrirtækið Amundi Asset Management um sölu á sjóðum fyrirtækisins. Þetta kemur fram í fréttatilkynningu bankans.
Að sögn Kviku er Amundi stærsta eignastýringarfyrirtæki Evrópu, með eignir í stýringu fyrir rúmlega 1.400 milljarða evra.
Höfuðstöðvar Amundi eru í París en fyrirtækið er með starfsstöðvar víða um heim og þjónustar viðskiptavinum í 37 löndum. Fyrirtækið er með um 4.700 starfsmenn á sínum snærum.
Tæplega helmingur eigna í stýringu félagsins er í skuldabréfum og samkvæmt yfirlýsingunni er Amundi einn stærsti eignarstýringaraðili heims í skuldabréfum.
„Kvika hefur fjárfest í þekkingu á erlendum mörkuðum undanfarin ár með góðum árangri. Markmið okkar er að vera fyrsti kostur hjá viðskiptavinum þegar kemur að fjárfestingum erlendis. Kvika hefur um nokkurt skeið leitað að heppilegum samstarfsaðila í stýringu erlendra skuldabréfa og er því ánægjulegt að samkomulag hafi náðst við Amundi. Eignir í stýringu á erlendum mörkuðum hafa aukist verulega og stöðugt fleiri viðskiptavinir nýta sér þjónustuna. Það er því ánægjulegt að bæta Amundi við fjölbreytt vöruúrval bankans á erlendum mörkuðum“ segir Hannes Frímann Hrólfsson, framkvæmdastjóri eignastýringar Kviku.
