Samkvæmt frumdrögum að uppgjöri samstæðu Kviku banka vegna fyrsta ársfjórðungs 2019 lítur út fyrir að afkoma verði 830-880 milljónir króna fyrir skatt. Þetta kemur fram í afkomutilkynningu frá bankanum á vef Kauphallar.
Áætlun bankans fyrir árið 2019 gerðu ráð fyrir 1.990 milljóna króna hagnaði fyrir skatta, án áhrifa af Gamma Capital Manegement, sem kom inn í samstæðu bankans í byrjun mars síðastliðinn.
Helsta ástæða fyrir betri afkomu er sögð vera hagfelldar markaðsaðstæður á fjórðunginum og þókununartekjur hafi verið umfram áætlun. Afkomuspá bankans fyrir 2019 verður uppfærð um leið og hún liggur fyrir.
