Aðalfundur Kviku banka samþykkti í dag að fela stjórn félagsins að undirbúa lækkun á hlutafé félagsins með hlutfallslega jafnri greiðslu til hluthafa, allt að einum milljarði króna. Endanleg ákvörðun um lækkunina verður hjá hluthafafundi að fenginni tillögu stjórnar. Kemur þetta fram í tilkynningu til kauphallar.
Ákvörðun um greiðslu arðs var frestað þar til niðurstöður tillögu um lækkun hlutafjár liggja fyrir. Þá var samþykkt að fækka stjórnarmönnum Kviku úr sjö í fimm.
Í stjórn Kviku voru kjörin:
- Þorsteinn Pálsson
- Finnur Reyr Stefánsson
- Jónas Hagan Guðmundsson
- Inga Björg Hjaltadóttir
- Anna Skúladóttir